Saghayekarbala.Ir

تخریب سامرا ( حرمین عسگریین)
ایا مهـدی گل امـداده امـاندی تیز یتیش داده
بلادریاسی حدیدن آشدی اولوب طوفان سر من راده
بوگونده شهر سامرا فغان و دادیله دولــدی
وهابی لر جفا سیندن حریم الله خراب اولدی
زمین آغلار آسمان آغـلار
بو غمده پیروجوان آغلار
ملـک گریاندور فلک نالان
یقیندور صاحب زمان آغلار
**********
بوگون طاهــا پریشاندی خـانم زهرا جگر قاندی
حریم قدسی ایتدیلر ویران سماوات اهلی دیده گریاندی
امامت دودمانینده هامی غرق مصیبتدی
گلون سامرا شهرینده قیامتدی قیامتدی
زمین آغلار آسمان آغـلار
بو غمده پیروجوان آغلار
ملـک گریاندور فلک نالان
یقیندور صاحب زمان آغلار
**********

بنفسـی انت یـا مــولا ئورکلر قانـــدی واویلا
اوگون اولدی تک بقیع ویران بوگونده ویراندی سامرا
امـام هادینین قبـری نـدن خـاکیله یکـساندی
گرک غیرت نشان ویرسین هر اول کسکه مسلماندی
زمین آغلار آسمان آغـلار
بو غمده پیروجوان آغلار
ملـک گریاندور فلک نالان
یقیندور صاحب زمان آغلار
**********
پوزولدی نظمـی دنیانیــن تــوکوللر شیعه نین قانین
ایا مهدی هـارداسان تیز گل بودور فریادی هر مسلمانین
امـام عسگـری قبری روادور خاکسار اولسون
اله آل ذوالفقارون قوی عدالت برقرار اولسون
عوالم چوخ نا بساماندور
ئولن انساندور مسلماندور
ملـک گریاندور فلک نالان
یقیندور صاحب زمان آغلار
**********


تحمـل یوخسا آسانــدی امامیـن قبری ویرانـدی
بو محنتده دل غمین اولماخ نشانگاه عشق و ایمانـدی
دیـوب پیغمبر اکرم حدیث عشق و ایماندی
کیم اولسا بی خبر مسلم غمیندن نامسلماندی
ومن اصبح – و لا یهتم – بالمسلم – فلا یسلم
عوالم چوخ نا بساماندور
ئولن انساندور مسلماندور
ملـک گریاندور فلک نالان
یقیندور صاحب زمان آغلار
**********
اشاره به جنایات غزه و ظلمهای اسرائیل غاصب به مردم
بی دفاع فلسطین
( سالروز تخریب حرمین عسکریین (ع) )
شاید که قبول افتد (23 محرم 1430 ه – ق ) التماس دعا حاج سید محمد قریشی
**********************************************************************************
السلام علیک یا جعفربن محمد (ع)
عشقین بلاسی چوخدور ـ عاشق دوزر بلایه
گویلوم قوشی پر آچدی ـ یوللاندی کربلایه
جانلار فدا حسینه ـ جان بذل ائدوبدی دینه
باش نیزه لر باشیندا ـ معراج ایدوب سمایه
من عاشقم عاشق ـ عشقونده سرمستم
دوت ـ الیمدن ساقی ـ مستم مستم مستم
حسین ارباب ـ منو دریاب
******
ئولدی امام صادق ـ ای شیعه گل نوایه
پیغمبر آچدی باشین ـ زهرا گلوب عزایه
آتمش بئش ایل او حضرت ـ عمر ایلدی جهاندا
احکام دین و قرآن ـ نشر اولدی ماسوایه
واویلا وا ـ ویلا ـ یاسه باتوب دنیا
شب ـ شب ماتمدور ـ گل داده یا زهرا
خانم زهرا ـ خانم زهرا

جان تاپشوران زماندا ـ آرتیردی سوزوسازی
لازمدی شیعه یازسون ـ لوح دله بو رازی
آخر نفسلرینده ـ بیله ائدوب وصیت
بیزدن دگول او کس که ـ خار ایلیه نمازی
واویلا وا ـ ویلا ـ یاسه باتوب دنیا
شب ـ شب ماتمدور ـ گل داده یا زهرا
خانم زهرا ـ خانم زهرا
******
احسن کلام نوره ـ بیله فصاحت اولماز
صادق دیوب پیمبر ـ جای ملامت اولماز
تاپشوردی جان وئرنده ـ خلقه امام صادق
محشرده بی نمازه ـ بیزدن شفاعت اولماز
واویلا وا ـ ویلا ـ یاسه باتوب دنیا
شب ـ شب ماتمدور ـ گل داده یا زهرا
خانم زهرا ـ خانم زهرا
******


منصور ائدن جفالر ـ گلمز یقین شماره
مسموم ائدوب امامی ـ دلدن دوتوب شراره
یابن الحسن اماندور ـ عجل علی ظهورک
باخ صحنه بقیعده ـ ویران اولان مزاره
واویلا وا ـ ویلا ـ یاسه باتوب دنیا
شب ـ شب ماتمدور ـ گل داده یا زهرا
خانم زهرا ـ خانم زهرا
******
منصور حکم وئردی ـ عرشه جفا دایاندی
اوت ویردیلا امامین ـ کاشانه سی تالاندی
گویا که کربلاده ـ لشگر دولوب خیامه
زینب دیور الهی ـ سجادیم اوتدا یاندی
واویلا وا ـ ویلا ـ یاسه باتوب دنیا
شب ـ شب ماتمدور ـ گل داده یا زهرا
خانم زهرا ـ خانم زهرا
******
اود دوتدی خیمه یاندی ـ عرشه چخوب شراره
صحرایه قاچدی قیزلار ـ غارتدی گوشواره
بیر معجر اوسته الله ـ دعوادی کشمکشدی
گوشواره قانه باتدی ـ گوش اولدی پاره پاره
واویلا وا ـ ویلا ـ یاسه باتوب دنیا
شب ـ شب ماتمدور ـ گل داده یا زهرا
خانم زهرا ـ خانم زهرا
**************************************************************************************
امام سجاد (ع)
ای گل باغ مــدینه عـزوجـاهی بـی قرینه
افتخار ایلروخ عـــالمینه
نسبتون واردی ایران زمینه
بیر نولی غصه دن دینجلیدوخ هیئتــیله بقیــعه گلیدوخ
********
انت فخر الساجـدینی انت زین العابدینـی
بـر مقام امــامت امینی
صاحب حلم و علم یقینی
بیر نولی غصه دن دینجلیدوخ هیئتــیله بقیــعه گلیدوخ
********
گورموسن سن هربلانـی ماجـرای کـربلانـی
محض لله قضایه رضا سن
شـاهد زنده کربلاسـن
بیر نولی غصه دن دینجلیدوخ هیئتــیله بقیــعه گلیدوخ
********

ای حسینون گوزل یادگاری محنتیله گچن روزگاری
گرچه ویراندی آرامگاهون
مین بهشته دگر بیر نگاهون
بیر نولی غصه دن دینجلیدوخ هیئتــیله بقیــعه گلیدوخ
*******************************************************************************

*************
کرب وبلاهواسی غصه لی ماجراسی
خیمدن عرشه چخار یاندیم عمـوصداسی
بوشدی مشگلر قانه دونیدون ای فرات
آخدی اشگلر قانه دونیدون ای فرات
الله الله یاندیم الله
اوت یاغوری هوادن فضای کربلادن
سویوخدی خیمه لرده حرم دوشوب صفادن
الده کاسه لر یاندیم الاماندی العطش
بوش پیاله لر یاندیم اماندی العطش
الله الله یاندیم الله

عمویاتانمیراصغر فکرین آتانمیراصغر
لای لای دیور آناسی ولی یاتانمیر اصغر
اللرین قویور غنچه سولان دوداقینه
آندیریر آنا یاندیم عطش فراقینه
الله الله یاندیم الله

خیمه ده الاماندی ناله گویه دایاندی
سسلیـــری خرداقیزلار یاندیم عموالاماندی
الده کاسه لر یاندیم الاماندی العطش
بوش پیاله لر یاندیم اماندی العطش
الله الله یاندیم الله

کربلایه من گلن گوندن اوغول دل واپسم
هی دییردیم ئوللم الله من بالامی گورمسم
دوشلریم یانسین صودوم اولسا سنه من ویرمسم
*******************************************************************
حسین آدیدی باشدا تاجیم منیم ـ منور جمالی سراجیم منیم
او مولا قبول ائتسه نوکرلیقا ـ یوخوم هیچ کسه احتیاجیم منیم
بیزی اجنبی له باریشدیرمیون ـ آقیلان قرانی قاریشدیرمیون
صفا مروه میز قبله میز کعبه میز ـ حسیندی بیزی چوخ دانیشدیرمیون
********************************************************************************
کوچ از قتلگاه
دورکاروان عازمدی شامه قارداش حسین گل دوش قباقه یول نشان ویر
وای یول نشان ویر
گل قویسالار من بوردا قاللام یاحسین جان یاحسین جان
زهرانین عطرین سندن آللام یاحسین جان یاحسین جان
******
طوفان اسوبدی گلستانه گلشن سولوبدی گللری یتدی خزانه
وای خزانه
قارداش هانی باشون بدنده وای منه ایوای منه وای
یوخدور لباس و جامه تنده وای منه ایوای منه وای
******
سنسن منیم نام نشانیم سنسیز برادربی نشانم نیمه جانم
وای نیمه جانم
قیل بیر نظربی کس ربابه گویلونی آل دربدردی
اللرقالیـبدی سینه سینده اصغریندن بی خبردی
******


ناراضیم دور فلکدن شرم ایتمیوبدی ساربان نان و نمکدن
وای نان ونمکدن
اول اللره نه گلدی قارداش وای منه ایوای منه وای
قاتللرون دینجلدی قارداش وای منه ایوای منه وای
******
قارداش یتیشدون سن مرامه من عازمم هم کوفیه هم شهر شامه
وای شهر شامه
یوللار اوزاق محمل شکسته وای منه ایوای منه وای
قیزلار دا خسته منده خسته وای منه ایوای منه وای
******
قانه باتیبدور یارو یاور دفن ایلین یوخدورقالیبدی توپراق اوسته
وای توپراق اوسته
سنله ئولیدیم منده ایکاش وای منه ایوای منه وای
یتمیش جنازه یوخدی بیر باش وای منه ایوای منه وای

جسمونده اوخ گلمز شماره سینون فلکدور شاهدون دوت مین ستاره ـ وای چوخدی یاره
دور توشه راه سفر ویر وای منه ایوای منه وای
سینونده کی اوخدان خبر و یر وای منه ایوای منه وای
******
16/2/88 التماس دعا حاج سیدمحمد قریشی

****************************************************************************
(کـوچ از قتلگاه)
باجون زینبه اولدی قیامت آنـام اوغلی
ایدوم هانچی ستمدن شکایت آنام اوغلی
********
گیدور قافله شامه منه شرح وبیان ویر
باجون چوخ یورولوبدور دانش جسمینه جان ویر
رسومه عمل ایله دالیجان دور اذان ویر
گیدوم کوفه و شامه سلامت آنام اوغلی
********
آچیب قرمزی گللر غریبه چمنون وار
نه باشونده عمامه نه بیرپیرهنون وار
گذشت ایله سویوبلار دییردیم کفنون وار
فقط زلفیمه ایله قناعــت آنــام اوغلی
********

یارالی بدنونده حسینیم یارا چوخدور
قلج نیزه دی اوخدی ولی صاف یری یوخدی
منی یاندیران اما بو اوچ شعبه لی اوخدی
ایدیب صدر بتولی حکایت آنام اوغلی
********
بو قدرتده اوخ اولماز امان دور فلکدن
کماندان قوتولوندا گلیب ناله ملکدن
دگوب سینیه اما آخیب قانی کورکدن
سوکوب سینوی ایتدی جراحت آنام اوغلی
********
اوگون حرمله اوچ اوخ آتوب اوچ یره دگدی
او اوچ شعبه اوخ اول گل پرپره دگدی
ابوالفضلی یخان اوخ علی اصغر دگدی
اولوب مهر کتاب شفاعت آنام اوغلی
********


بیری کرب بلاده سنی ایتسه زیارت
ایدیب عرشیده گویا خداوندی زیارت
پیمبرله ازلدن چکوبدور سنه حسرت
ایده تربت پاکون زیارت آنام اوغلی
********
شهادت قوتولاندان حرم گلدی نــوایه
غلاف اولدی قلجلار چخوب قمچی هوایه
مصیـــبت عوض اولدی مریدان بلایه
چتین اوخ یاراسندان شماتت آنام توغلی
*********
بـوصدپاره بدنده یارالارگل آچـــیبـدی
سـن آسوده یاتیبسان باجون تله قاچیبــدی
ئورکدن ویریلان اوخ کورکدن باش آچیبدی
توکوب قانیوی ایتدی جنایت آنـــام اوغلی
*********
19/9/89 التماس دعا حاج سیدمحمد قریشی
************************************************************************


ورود شــام
یتوردی سیری گون تک او گون تمامه او باش
کـــه گیتدی نیزه باشیندا دیار شامه او باش
نه حالته او زمان قالدی زینب کبری (س)
قــریب شامــه یتنده قطـــــار آل عبــا
حسین باشی گونه بنزر یانیندا اولدوز وار
گلــیر اوباش دالیسیـجا نچه اوغـولسوزلار
او دمده شمر لعین ترک کاروان ایتدی
یزید حضورینه کسب اجـــازیه گیتدی
ویریبدی مژده فتحی او مرد خون آشام
ایـدیم نجـــه آل عبانی داخل شــــام


اوبی حیا دیدی من غرفه ده حجابیلــن
اوتورموشام باخیرام شوکت و جلالیلــن
گیدیب حسین حرمین قیزلارین گتیرشامه
اما ورودیده گــــرک اجرا اولا بو برنامـه
حسین باشیــن جدااوسته ساخلینده ئوزون
باخاندا غرفه نین اوسته منه دوشنده گوزون
خدنگ ظلم اودم قلب عالمــــــی دلسین
جدانی ای منه زهرا بالاسی باش اگسیـــن
باش اگمیوب منه چون ساغلیقیندا سبط نبی
بـو آرزونی گــرک ایندی ایلیم عمــلی دایانـــدی قافله ساعتــــده اضطرابیـلن
همان زمانیــده شـــمـر لعین شتابیـلـن


اراده ایتدی جفــا تیـری عالمه دگسیـن
جدا باشندا حسیـن تا یزیده باش اگسیـن
همان زمانیده معجز نما کسیک باشــدان
طلعلع ایتدی نور خدا کسیک باشــدان
یزید چشمیله بیـــــر اوخ او نوریدن دگدی
به فوری دوشدی یوز اوسته حسینه باش اگدی
مجـــاز اوخـــی بلی لوح حقیقتـــه دگمز
حسین جــداده اولسا یزیــده باش اگــمز
دییـن تاپیلمادی ظالـم اوتــــان حیا ایلـه
عــزیـــز فاطمیـه ظـالـم آز جفــا ایـــله
11/10/87
***********************************************************
السلام علیک یامحمدبن علی ایهاالتقی الجواد(ع)
شیعه نین فریاد و واویلا سیدور یابن الحسن
یاسه گل، اوغلون جوادین یاسیدور یابن الحسن
******
ماسوا ماتم دوتوبدور دیده گریان آغلوری
عالم معناده گویافاطمه قان آغلوری
مصطفی ماتم دوتوبدی شیر یزدان آغلوری
ام فضلین ظلمینه هرلحظه هرآن آغلوری
اهل بیتین ماتم عظماسیدی یابن الحسن
******
بی حیانین ظلمی عرش و فرشی گریان ایلدی
جنت الاعلاده زهرانی پریشان ایلدی
زهریله ابن الرضانی سینه سوزان ایلدی
معتصم فرمانینه اجرای فرمان ایلدی
قتلینه باعث اونون امضاسیدور یابن الحسن
******

تایتیشدی عهدینه عفریته بی آبرو
ایلدی مسموم امامی اول خبیث و کینه جو
ایتدی فرمایش یانور قلبیم ویرون بیرشربه سو
سرعتیله سو گتوردی بیرکنیزنیک خو
ایلسین سیراب چون مولاسیدور یابن الحسن
******
ایستدی جامی یتورسون پارچالانمیش لبلره
مجتبی ایچدی ولی عکس اولدی بوردا منظره
اولمادی قسمت حسین تک سو ، جواد مضطره
ام فضل آلدی سو جامین غیضیله چالدی یره
تشنه ئولماق رمز عاشوراسیدوریابن الحسن
******
حجت اله جان ویریبدور اولمادی غسل و کفن
چکدیلر بام اوسته خاراولسون او یورقون جان ویرن
اوچ گیجه گوندوز قالیب اوردا امام ممتـحن
نشــراولوبدی اهل شهره بوی عطر نسترن
عطر ناب گلشن زهراسیدور یابن الحسن
******

معتصم رسوا اولوبدوربوخیال خامیدن
واریری ایتسم گلایه گردش ایامیدن
سالدیلار نعشین یراوسته ارتفاع بامیدن
بوندان آرتیخ انتظاریم وار بلی ظلامیدن
چون جنایت ظالمین مبناسیدور یابن الحسن
******
یادیمه دوشدی بو یرده مسلمین هنگامه سی
کوفه ده لبریز اولان گونده بلا پیمانه سی
کسدیلر باشین ولی قورتولمیوب برنامه سی
بامیدن پرتاب اولوب یرده پوزولدی نقشه سی
گوئیا نهرعلقمین عباسیدور یابن الحسن
بعد قرخ گون جدون عاشوراسیدور یابن الحسن
******
2/8/90
فاصله مابین وفات حضرت جواد وعاشورا 40روز است

**************************************************************
مجلس یزید
قورتولدی ظلم کربلا زینب اسیر اولدی خدا
امت امامین ئولدوروب جشن ایلدی ( فرحت بها)
باشلار ویریلدی نیزیه یوللاندی سمت کوفیه
مهمان اولوب اول گجه مطبخ سراده خولیه
مطبخ دیمه وادی طور موسی تاپیب فیض ظهور
ارنی تکلم ایتمه میش نورا... ایلیبدی ظهور النورـ نور
******
عیسی گلیب موسی گلیب مریم گلیب زهراگلیب
فخر جمیع انبیاء مصداق کرمنا گلیب
جنتدی یا کنج تنور اولموش تجلی گاه نور
یا عرش دور مهمانسرا ا... نور ان هو ا... نور
بزم زیاد لعنتی جمع ایلییب جمعیتی
یغمیش بساط ظلمینه بیرعده بی حیثیتی ـ اول لعنتی
******

زینب گلیب طوفان ایده اول مجلسی ویران ایده
مرجانه اوغلون سیندیرا خار ایلییه صوندان گیده
سسلندی ای خانه خراب من زینبم علیا جناب
مرجانه کیمدور فاش ایله منی هو علم الکتاب
خنجر سیزون حنجر بیزیم بجدل کسن اللر بیزیم
قوی فخر قیلسین حرمله پیکان سیزون اصغر بیزیم اکبربیزیم
******
فیض شهادت بیزده دی عدل و عدالت بیزده دی
قتل و جنایت سیزلرون بذل و سخاوت بیزده دی
ای دشمن پیمان شکن دنیا سیزون عقبا بیزیم
بدعت سیزون لعنت سیزون قربان عاشورا بیزیم ـ عقبی بیزیم
دوزخ سنون پاداشیوه هم فرقه اوباشیوه
بولسون کیمی ئولدورموسن تپراق سپرسن باشیوه ـ کول باشیوه
******

ختم نبوت بیزده دی نور امامت بیـزده دی
شاه ولایت بیزده دی خاتون عصمت بیزده دی
ارکان رحمت بیزده دی سر بدایت بیزده دی
نور هدایت بیزده دی انوارخلقت بیزده دی
ارباب غیرت بیزده دی فیض سقایت بیزده دی
حکم شریعت بیزده دی نور و فضیلت بیزده دی
کیمسن سن ای تخم زنا گورافضلیت سیزده دی یا بیزده دی
******
قتل و جنایت سیزده دی ظلم و خباثت سیزده دی
جور و ضلالت سیزده دی کبر و منیت سیزده دی
اعلان غارت سیزده دی ضد شریعت سیزده دی
وار هر نه بدعت سیزده دی کفریله الفت سیزده دی
شر و شرارت سیزده دی هانسی فضیلت سیزده دی
لعنت سنه اربابیوه گور آدمیت بیزده دور یاسیزده دور
********
سندی سکوتین مجلسین باشلاندی فریاد و انین
معناده سسلندی حسین ای قهرمان بی بدیل کربلا صدآفرین
********


وار بیر بیوک بت شامیده سندیرسا زینب سیندیرار
جور و جفا زنجیرینی دخت علی یکسر قرار
عباس تک گلسه اگر؟ یوز لر امان نامه جرار
سجاد زنجیرین آچار شمرین گلوسیندن ویرار
هم کوفه نی فتح ایلییر هم شامیده پرچم ویرار
رسوا ایدیب مرجانه نی قلبین یزیدین یاندرار
آباد یازهرا ایوون زینب گلیب بت سیندیرار
قالدی تحییرده هامی گویاعلی دور فتح ایدیبدی کعبه پرچم ویرار
********

سجاد چخدی منبره آوازه دوشدی دللره
حمدو ثنا و شکر ایدیب اول خدای داوره
صوندان دیوب تعظیم اوچون صلوات اولا پیغمبره
گویا باباسی مرتضی اگلشدی عرش منبره ـ اول منبره
ظاهرده ناخوشدی ولی درماندی جمله دردلره
ناخوش دیمه حجت دی بو و بیمنه رزق الوری دور ـ جملة عالملره
********
التماس دعا حاج سیدمحمدقریشی

******************************************************************
مجلس یزید
آلتی مینجی قاپینین حاجبی بیر کافریدی
بدریدن یاره لی هم کینه ور خیبریــدی
دشمن بدسیر احمدوهــــم حیدریدی
نچه ایل منتظریـــدی اله منظوری گله
انتظاری باشـــاچاتدی یتیشیب ماحصله
******
الینه آلمیشیدی غیــــضیله بیر چوب ستم
اسرا ایچره گوروب زینب علیانـــی اودم
قسمتیم اولمادی افسوس دیدی جنگه گیدم
عیبی یوخدی عوضین منده بویرده چخارام
بوترابین ایوینی ظلمیله اینــدی یـخارام
******
شـل اولان پنجه سی قالخیب آغاجا ویردی تکان
چوخ مناسبدی بوســـــوز اولسااشاریله بیان
سنده قوش نالـه وی زهـرایه بویرده اوجادان
ظالمین ضربتی باخ گورهدف ایتدی هارانی
محملین یاره سی اوسته گینه ویردی یارانی
گوئیـا ناوک خامـه اوخ اولـوب قلبـی دلر
باش یارانلار بوسوزون جوهرینی یاخشی بولر
یارا اوستن یارانیـلر نجـه گور ایلراثـــر
زینب اگلشدی گلیـب سیـد سجـاد دیـله
عمــه وای سسلدی عمامه سینی آلدی اله
******
زینبین دوره سینی آلدی بنــات علـوی
آز قالیر عمیه هرتک تکی اولسون فـدوی
ناله دن لرزیه گلمیشدی او قصــر اموی
******
بانوان علـوی داغلـی دیلی داغلادیلار
دیه بولمم خانمون یاره سینی باغلادیلار
******
زینب اول شیـــرزن واقعــه کربوبلا
باخمادی تازه دگوبدور باشیناچوب جفا
دییه سن فاتح خیبـردی علـی شیـرخدا
آتش عشقه سمندر تک ئوزون ویردی خانم
دیوب اللهـــه توکل ایاقا دوردی خانم
خانم اولــده سلام ایتدی حسین قارداشینا
قلبینین شیشه سی دگمیشدی مصیبت داشینا
بیله فکرایتمه قناعت ایلدی گوز یاشینا
دیدی که نهضتیوه صاحب احســاسم حسین
گرچه عباسون ئولوب ایندی من عباسم حسین
******
گلمیشـــم نطقـیله شامـاتیده غوغا ایلیم
حقیله باطل آرا محکمه برپا ایلیم
تاجهان وار طلقازاده نی رسوا ایلیم
حق ویریب وعده که خون شهدا باتمیه جاق
نگران اولما بوقانلی علمون یاتمیه جاق
******
ظلم زنجیرینی همتله بوگون قیررام حسین
بت جاندارمعاویه نی سیندیرام حسین
قولومون سسله سین دشمنوه ویرام حسین
بندسجادی یزیدین ئوزینه ویرام حسین
یاعلی دلده یزیدین طویونی یاس ایدرم
یخارام قصری فدای دم عباس ایدرم
**********************************************************

ولادت حضرت موسی بن جعفر(ع)
ویردی الله نازنین گل گلستان بو ترابــه
شادو خرمدور آتاسی هی باخور بو آفتابه
غنچه دور گوندور مثالی حیدره اوخشور جمالی
حضرت موسی بن جعفر (ع)
******
گلدی دنیایه بو گونده آفتــاب عالم آرا
سایه سالدی مهرو ماهه غنچه ممتاز ابواء
مکه و یثرب صفاسی شیعه لرین مقتداسی
حضرت موسی بن جعفر (ع)
******
کظم غیظه شهرتی وار حضرت موسای کاظم
گل بیزه ایله عنایت باب حاجاته مــلازم
ای کرم دریاسی مولا صاحب جود و عطایا
حضرت موسی بن جعفر (ع)
******



سیدوصابر امین دور طیب و باب الحوائج
دامنیندن کیم یاپیشسا اخذ ایدر حتما نتایج
دردلره درمان ویرربو مین طبیبه تک دگر بو
حضرت موسی بن جعفر (ع)
******
بیزلره لطفی چوخ اولموش واردی بی حد آشناسی
بیرقیزی معصومه دور هم جاندی ایرانه رضـاسی
ویر بو دنیاده زیارت آخرتده ایت شفاعت
حضرت موسی بن جعفر (ع)
******
ای ویرن زندانیده جان کنده و زنجیره بسته
ویردی جان بیرقیز سنون تک قالدی نعشی اللر اوسته
جان ویریبسیز سینه داغلی اودا باغلی سنده باغلی
حضرت موسی بن جعفر (ع)
******


جان زهرا ویر (مریده) بوجمعه بیـربرات کــربلانی
ري ‘ نجف هم کاظمینی مشهـدوقـم سامرانی
مکــه و شهر نبینی جمکران ، شام و بقیعنی
حضرت موسی بن جعفر (ع)
******
15/11/87
التماس دعا عباسعلي علی اکبرزاده
*******************************************************************
شهادت حضرت موسی بن جعفر(ع)
عشق پاکیم گواهیمدی یارب مونسیم سوز آهیمدی یارب
*****
صبریمی آیریلیق الدن آلدی دردزندان منی درده سالدی
آیری دوشدوم وطندن ائلیمنن اون بیرایل گوزلریم یولداقالدی
*****
غربت ایچره ایشیم آه و وادی گوزلریم انتظاررضادی
بیرکسیم یوخ کفن فکرین ایتسین کنج غربت مگـرکربلادی
*****
گوندوزوم اوخشادی لیل تاره درد هجرانیمه یوخدی چاره
کیم قازارقبریمی من غریبم کیم قویار من غریبی مزاره
*****
ای خدا غملی زندانه خاطر قلبیده عهدوپیمانه خاطر
بسدی قورتار یورولدوم الهی حرمت دین و قرآنه خاطر
*****
الامان بوینومون یاره سیندن چاره سیزدردیمون چاره سیندن
وارنه قصدی مگر روزگارین من کیمی غربت آواره سیندن

تازیانه منـه محرم اولدی گوردی یوخ همدمیم همدم اولدی
گل رضا هارداسان گل یوبانما موسم گـریه و ماتــم آلدی
*****
قورتولوب طاقتیمده دوزومده سیلیـدن وار نشانه یوزومده
فاطمه ظلمینه شاهداولسون عمده بیر سر وار بوسوزومده
*****
فاطمه باغینه باغبانم گللریم سولدولار باغریقانم
تازیانه منه عادت اولدی قیزلاریمدان ولی ناگـرانم
*****
ای منیم محبسیم کنج ظلمت سربه سراولدی عمریم اولدی اذیت
قورتولاردردهجران داریخما مــن گیدیم اولگیلن سنده راحت
*****
16/5/86
التماس دعا حاج سیدمحمدقریشی
********************************************************************
شهادت حضرت موسی بن جعفر(ع)

من هارادشمنه یالوارماق هارا من هارا وقریمی سیندیرماق هارا
من جگر گوشه خیرالبشـرم مرتضی باغینه پـــربار وبــرم
حسنی حسنم و نستوه وقار بودامارلارداحسینین قانــی وار
وارث سجــده سجادم من مظهر باقر آزادم من
صادق آل عبانین گولییم جعفری مکتبینین سویگولییم
سرور زمره ساداتم من ایلین کونه مباهاتم من
فقط اللهیمه محتاجم من موسویلر باشینا تاجم من
کیمدی هارون منی زندانه سالا من قوجالدیم کی شریعت اوجالا
منم آزاده لرین مولاسی ایلرم خار بنی عباسی
بیز بنی هاشم عزیز مللوخ صلح اولا جنگ اولا مرد عملوخ
فرقی یوخ گوشه زنداندا ئولم یا باتیب قانیمه میداندا ئولم
آه ای کرب و بلانین جاداسی بو یولون جانیمه گلسین قاداسی
اون بیرایل گویلره من سس سالدیم جدیمین قبرینه حسرت قالدیم
کاظمینه گر اجل چکدی منی روحیمین کرب و بلادور وطنی
قبریم اوسته نه روا گل توکله منی ده کاش حصیره بوکه له
یوللارام قبرینه آهیله پیام ششگوشه قبرینه مین دفعه سلام
آنداولا حل و حرم حرمتینه جدیمین مکه ده سینمیش دیشینه
آنداولا فاطمه نین گوزیاشینا مرتضی نین یارالانمیش باشینا
آنداولا حضرت زهرا جانینا درودیواره یاخیلمیش قانینا
حسن عمرونده چکن غصه لره آنداولا طشته توکولموش جگره
آنداولا جدیم حسین مقتلینه آنداولا اللره دوشموش الینه
آنداولا خنجر ئوپن گل بوغازا اوخلار آتدا ایکی رکعت نمازا
سینمارام جان یتیشینجه دوداقا آل هاشم باشی دوشمز اشاقا
***********************************************************************
( احوالات دیر راهب)
کیمسن دی گوروم یارالی ایله منی حالدان حالی
فاش ایله گوروم سن کیمسن ئوز یاره لی باش یارالی
گـل تک ندن خندان اولوبسان
ئوز قانیــوه غلطان اولوبسان
**************
عشقه سکه رایــج سـن خلــق اللهه معالج سن
ای عشــق خدا قربانی سن نجه دیندن خارج سن؟
ای معنی عشق و حقیقت
معنی اولوب سنده فضیلت
***************
بوجلوه دن سن عیسی سن یا طوریده کی موسی سن
کیم گورسه باشون فرض ایلر تشت ایچره باشی یحیی سن
کیمسن ئوزون گل بیرنشـان ویر
اولدوم داخی بوجسمه جان ویر
***************
آچدی گوزینی عین الله اولـده دیوب بسم الله
حیرتده قویوب عیسی نی راهب دیدی سبحان الله
پیغمـــبره مـن نورعینم
عیسی دیمه عطشان حسینم
باشیم کسیلدی کربلاده
شامه گیدیر نوک جداده
**************
من مست می جانانه چکدیم باشا بیر پیمانه
حق اوسته قیام ایتدیم من ئولدوردوله مظلومانه
شمع حقه پروانیم من
عشق اللهه دیوانیم من
***************
هفتادودوتا پروانه رفتند چه غریبانه
هم سوخته شمع جانها هم سوخته پرپروانه
مظلوم در عالم شنیدم
مظلومتر از خود ندیدم
***************

من هادی انس و جانم بیرشاه ملک دربانم
مهریه دی سو زهرایه ویرموبله منه عطشانم
وجه اللهین عطشانیم من
ئوز دینیمین قربانیم من
پیغمبــــره نور دوعینم
عیسی دیمه عطشان حسینم
**************
عیسی ده گلیب موساده مریــــم ده گلیب زهراده
ظاهرده غریبم بـی کس چـــوخدور گلنیم معناده
تاپدون عجب فیض و سعادت
بو من بو سن ایله زیارت
***************
عیسی نی چکوبلرداره جسمینده ولی یوخ یاره
هرکس نه وارید ی ویردی نیزه قلج اوخ صدباره
آت درناقیندان وار اشاره
جسمیم اولوقبدی پاره پاره
***************

بو قدر قوشون بیکران شمـرین ستمی الامـان
شام اهلینه من مهمانم گوزلور یولومی خیزران
قربـــان کیمی اللقانم القان
اولسا سویون عطشانم عطشان
پیغمبــــره نوور دوعینم
عیسی دیمه عطشئان حسینم
**************
آی باتدی قالان کوکبدی اذکار لبیم یارب دی
عباسیم ئولوب دعواده صاحب علمیم زینبدی
یاریمده ئولدی یولداشیمدا
سایسیز بلا واردی باشیمـدا
***************
اصغرده ئولوب اکبرده بارماق دا گیدیب اللرده
اود دوتدی خیامیم یاندی قیزلاردا قالیب چوللرده
یارم نقدری اولسـا آزدی
اوخ سینم اوسته قبرقازدی
****************
هرشیشه کی الماس اولماز گل چوخدی ولی یاس اولماز
دنیادولی قارداش اولسا هیچکس منه عباس اولمـاز
مشگ اوخلانیب قوللارقلمدی
یرده قالان تنها علمدی
باشیم کسیلدی کربلاده
شامه گیدیر نوک جداده
**************
گون باتدی یاتوب دور طوفان مقصوده چاتوب دور عدوان
بیرزینبیدی بیر قیزلار بیرخیمه دی اودا سوزان
سیندی گولوم طوفان اسنده
بارماقیمی بجدل کسنده
چکدیم نلر بند زر اوسته
انگشت گیدیب انگشتر اوسته
محشرگونی مزد رفاقت
ویردیم سنه قول شفاعت
**************
21/10/88 التماس دعا حاج سیدمحمد قریشی
( احوالات دیر راهب)
********
راس حسینی راهب ایدیب دیره میهمان قارداش قوناق گیدیب باجیسی قالدی ناگران
تزتز اوجاتدی آهینی قلب ملولیدن حقی واریدی چون گوزی قوخموشدی خولیدن
فکرایلیوردی ئوزئوزونه اول وفاسیر ترسا ائوینه هانسی مســــلمان قوناق گیدر
هم دینیدی حسینیمیله خولی هم کتاب مطبخ سـراده کولدن اونا آچدی رخت خواب
هم دین اولان منی گتوره بیله شیونه نصرانی نیــــــلر الله ئوزون رحم ایله منه
بیرباش که سندن ئوزگه نی معبود بیلمیه بیــربــــاش که غیربیرکسه یارب اگلمیه
اون یدی یاره سی اولاتکبیرینی دیه محرابی قان اولا دوشه عشقیله سجــــدیه
شمردنی عنادایلیه ظلمده دورا دالدان کســـــه او باشی سنـان نیزیه ورا
کهف آیه سی اونااوجانی ده شعاراولا بازار کوفـــه نی دولانا سنگســـــاراولا
قانلی محاسنیـــنه تازه قان آخا قرآن صداسینی کسـه لر قیرزلاری باخـــا
مرجانه اوغلی قرب و مقامین بیله بیله معصومی متهم گوره توهین ایدیب گولــــه
حق سوزدیین دوداقلارینا خیزران وورا معنـــاده فاطمه باش آچـــاالامان وورا
قورخوم بودور که راهب اونا ایلیه جفا قارداشیمیــن یری بوگجه راحت اولمیــا
دنیا حسینی عیسوی نی میزبان ویروب هیچ بــولمورم اوباشه هایاندا مکان وئروب
دیرایچره کاش مطبخ و خاکستر اولمیا تا کول یارالی قارداشیما بستر اولمیــــــا
ایکاش عیسوی چالشا امــــرخیرده یورقون باشا مکان ویره محـــرابی دیـرده
قانلی یوزون یووا قورین لبلر ایسلانا آئینه نون توزی سیلینه دیر ایشیقلانا
راهب اونون جمال دل آراسینه باخا ذکر ایلین دوداقینه سیماسینه باخا
توفیق اولا دانشدیرا تا مطلبین بیله دیندیرسه میزبان قوناقی تئز گلر دیله
گلسه حسین بیانه دییر اصل مطلبی راهب تمام عمرونه ویرمز بو بیر شبی
جام آلسا خضر عشقیدن عالمده مست اولار دین مسیحیدن چکر ال حق پرست اولار
مظلوم حسین دیرگجه دیره قراچکر خوشبخت اولار مسیح گلر لبلرون ئوپر
عیسی ئوزی حسینچیدی اخیاریلن گزور باشین آچیبدی احمد مختاریلن گزور
زینب بو فکریده گجه ئنی ایلدی سحر آماده اولدی گیتماقا اول قوم فتنه گر
غم سیرینه دوشوبدی بنات محمدی رهبانیدن کسوک باشی سعد اوغلی ایستدی
راهب دیدی اوباشیله من الفت ایتمیشم اعجازینی گوروب گجه چوخ صحبت ایتمیشم
سیزسوز گناهکار عملوز جرموزه گواه ناحق کسیب اوباشی ایدیبسوز بویوک گناه



انجیلی قویموشام یره قرآنی دوتموشام مریمدن ال چکوب داخی زهرانی دوتموشام
اول گلون کسوک باشی مندن آیرمیون آلسوزدا باری نیزیه یوللاردا وورمیون
قانین یوووب یارالارینا سپمیشم گلاب نازک حریریدن یوزونه چکمیشم نقاب
غم بوسه سین گجه لب و دندانه ویرمیشام چوخ عشقیله محاسنینه شانه ویرمیشام
انصافیدن دگل باتا زیبایوزی توزا یل تند اسوب محاسنینین نظمینی پوزا
وئرسوز منه بو باشیله خوش الفت ایلرم سجاده عبادتیمه زینت ایلرم
واردوریری بیانه گلر سبط بو تراب اعجاز منطقیله ویره راهبه جواب
آت بو خیالی قیزلاریم آغلار قالانمارام قیرخا یاخین گوز تلینیم وار قالانمارام
دوندو بو دیری مسجد ایله یغ جماعتی شرح ایله دردیمی اول عزادار قالانمارام
بزم یزیده زینبی تک قویمارام گیده شمروسنانه ایلمه اصرار قالانمارام
من خیزرانه مشترییم خوشدی گیتمگیم گل برگنه گرکدی دگه خار قالانمارام
چخ دیریدن کناریده باخ اهل عیالیمه چوخ ناگراندی قورخولی قیزلار قالانمارام
ویرانه ده رقیه مه من باش چکم گرک آخر نفس اولام اونا دلدار قالانمارام
قویساق دوداق دوداقه بالام تئز یومار گوزون اولماز دوباره شمره گرفتار قالانمارام( انور)
***************
یاحسین(ع)
سیزی تاری چکیلون گلدی بالام
ویرون آغوشیمه دینجلدی بالام
نیه بس آغلامیری سینه می داغلامیری
******
باغبانیـله او نورستـــه گلیــب
گوئیـابیـربالاگلدستـه گلیــب
اوجادان آغلامییون خسته گلیـب
نیه بس آغلامیری سینه می داغلامیری
******
دیمرم آغلامییدیم ایکاش
یاسینه داغلامییدیم ایکاش
قولونی باغلامییدیم ایکاش
نیه بس آغلامیری سینه می داغلامیری
******
بوگجه یاتمامیشام وای دیمیشم
یوزینه باخمشام ایوای دئمیشم
صبح اولونجا اونا لایلای دئمیشم
نیه بس آغلامیری سینه می داغلامیری
******


صبریمی الدن آلاردی بوگجه
منی مین درده سالاردی بوگجه
الیم اوسته چابالاردی بوگجـه
نیه بس آغلامیری سینه می داغلامیری
******
آنا خوشدور باخا مه پاره سینه
یانادلسیز بالنین چاره سینه
بیرسالون اصغری گهواره سینه
نیه بس آغلامیری سینه می داغلامیری
******
قلبیمه تیرغمین ساچدی بالام
منی مین درده سالیب آتدی بالام
آیریلاندا منه بیر باخدی بالام
نیه بس آغلامیری سینه می داغلامیری
******
دیمرم آغلامییدیم ایکاش
یاسینه داغلامییدیم ایکاش
قولونی باغلامییدیم ایکاش
نیه بس آغلامیری سینه می داغلامیری

حضرت ابوالفضل(ع)
****
ای اهل بیتین آرامی قارداش
پاینده ایتدون اسلامی قارداش
دوربیر گیداخ گوزلور یولون آغلار اوشاقلار
قولسوز دا اولسان یاره وی باغلار اوشاقلار
همتلی قارداش غیرتلی قارداش
*****
سن سن دبیریم سن سن وزیریم
سن سن بوچولده غیرتلی شیریم
دوربیرگیداخ اطرافیوی آلسین اوشاقلار
ایوای دیوب باشه قرا سالسین اوشاقلار
همتلی قارداش غیرتلی قارداش
*****
یورقون برادر پوزقون برادر
ای مختسف آی دوتقون برادر
دوربیرگیداخ بواوخلاری چکسین اوشاقلار
نخل وفانی قلبیده اکسیــــن اوشاقلار
همتلی قارداش غیرتلی قارداش
*****


ای مهربانیم آرام جانیم سن کی یخلدون گیتدی توانیم
دوربیرگیداخ هجران غمین آتسین اوشاقلار
قان آغلاسین دنیانی آغلاتسیــن اوشاقلار
همتلی قارداش غیرتلی قارداش
*****
بواوخلی مشگون اللردن آلدیم آچ گوزلرون گور نه حاله قالدیم
دوربیرگیداخ بزم عزاقورسون اوشاقلار
سینه لرین سو مشگوه قویسون اوشاقلار
همتلی قارداش غیرتلی قارداش
*****
قان آغلادیم من ال چالدی دشمن
تیزتیزچاغوردوم سس ویرمدون سن
گورسه سنی سوایستمزعطشان اوشاقلار
سومشگیوه قولاریوه قربــان اوشاقلار
همتلی قارداش غیرتلی قارداش
*****

الدن دوتان ال اللرده قالدی
ئولدون عیالیم چوللرده قالدی
آچ گوزلرون گورباشون اوسته کشمکشدی – گورکشمکشدی
مخیمده واویلادی قارداش العطشدی - دورالعطشدی
همتلی قارداش غیرتلی قارداش
محرم سال89


من مریدم مرشد نیکوسرشتیم سن حسین
سن ازلدن آشنای سرنوشتیم سن حسیـن
نیلورم باغ بهشتی سن بهشتیم سن حسین
طالب وصلون نه ملک و منصب و جاه آختاریر
*******
گرد المی شیشه قلبونده سیلوبسن
باش ویرماقی جانانیوه فرض بولوبسن
دور ای بوئی بویلاردان اوجا چوخ چیکیلوبسن
بو درد مگر قابل درماندور ابوالفضل
**************************************************
یاعلی اصغر(ع)
گلستاندا گورسه سولان گللری آنان رباب
یا نوا ایدن خستـــه بلبلری آنان رباب
یانام آغلارام علی سولان جمالیوه
ناله ایلرم همیشه تشنه حالیوه
وای اصغریم علی علی وای اصغریم
****
سن گیدن زمان رزمگاهه اوغول دوزنمدیم
قانلی قنداقین خیمیه گلماقین گورنمدیم
سنده بوغریب آنان کیمی بلالیسان
غنچه وقتی پرپراولموسان یارالیسان
وای اصغریم علی علی وای اصغریم
****
عمه وین حضورینده ناله ایدم اوتانمشام
خیمه لرده قیزلار نوا ایلیوبدی یانمشام
دردیوین آنان تاپانمیوبدی چاره سین
اوپمدیم بوغازیوون یارالی یاره سین
وای اصغریم علی علی وای اصغریم
****

بو گچن گجه صبح اولونجا علی یاتانمادیم
ایستدیم ئوپن اوخ دگن حنجرون تاپانمادیم
من تاپانمادیم ولی که تاپدی ئوزگه لر
من ئوپنمدیم بوغازون ئوپدی نیزه لر
وای اصغریم علی علی وای اصغریم
****
آیریلیق غمی هر مادره – گران گلور
من نجه گوروم اصغریم گل گیدوب خزان گلور
کیـم جهاندا –سو یرینه قان ایچوب علی
اوخدی یا قلج ؟ بوغازیوی بیچـوب علی
وای اصغریم علی علی وای اصغریم
****
ویردی زینب اونداکی نعشیوی قوجاقیمه
ایستدیم قویام غنچه تک لبلرون دوداقیمه
گوردوم اونداکائناتی گوزدن آتموسان
سو یرینه اوخ ویریبلار قانه باتمیسان
وای اصغریم علی علی وای اصغریم
****


من تاپانمادیم دردیوین چاره سین خجالتم
باغلیانمادیم حلقیوین یاره سین خجالتم
باغلادیم الون یاراوی باغلیانمادیم
بیردویونجا من بالاما آغلیانمادیم
وای اصغریم علی علی وای اصغریم
****
پشت خیمه ده دفن ایدوبلر سنی بوعلته
سالماسین داخی آتلارین درناقی - اذیته
شیرخواری شیرمرده قاتدیلارعلی
آختاروبلا توپراق آتدا تاپدیلارسنی
وای اصغریم علی علی وای اصغریم
****
من دیدیم علی صونداکی ظلمیدن امانداسان
نیزه داریلر سسلنوب هارداسان هایانداسان
عمر شیشه سی دگنده ظلم داشینه
کسدیلر باشون ویروبلا نیزه باشینه
وای اصغریم علی علی وای اصغریم
****

ایوای آقام ای
****
آچ گوزلـریوی قارداشیم
القانه دونوب گوزیاشیم
آی باتدی فرات اوستونده
ای ماه فروغ هاشم
آچ گوزلـرون قارداش اماندی
دورشیونیم عرشه دایانـــدی
*****
ای روح و روانیم قارداش
وی جسمیده جانیم قارداش
سنسیز اوجالار افلاکه
فریادوفغانیم قارداش
گل پیکرون خنداندی قارداش
باشدان باشا پیکاندی قارداش
*****
هرشیشه که الماس اولماز
گل چوخدی ولی یاس اولماز
دنیادولی قارداش اولسا
هیچکس منه عباس اولماز
دورگور نه واویلادی قارداش
باش کسماقادعوادی قارداش
*****

آی چخدی سودان تئز باتدی
اولدوزلارینی آغلاتدی
گوزلوله سنی قیزلاریم
بولموله که پرچم یاتدی
سنسیز خیامی یاندیرالار
اطفالیمه سیلی ویرالار
****
التماس دعا حاج سیدمحمدقریشی 14/9/89
یابن الحسن (عج)
****
لاله یامهدی دییر- آلاله یامهدی دییر
صبح وقتی گللر اوسته ژاله یامهدی دییر
****
مهریامهدی دیینده ماه یا مهدی دیــیر
هامیدان اول رسول الله یامهدی دییــر
****
دانه یا مهدی دییر ریحانه یامهدی دییر
شمع زهرایه باخار پروانه یامهدی دییر
****
یاریامهدی دییر دلداریامهدی دییر
یوم خندق حیدر کراریامهدی دییر
****
تیر یامهدی دییر- شمشیر یامهدی دییر
گویده کی قوشلار پس ازتکبیر یامهدی دییر
****
داشدایامهدی دییر یولداشدا یا مهدی دیــیر
نیـزه باشینده یارالی باشـدا یامهدی دییــر
****
خسته یا مهدی دییر پربسته یامهدی دییر
بیربالاویرانه جان اوسته یامهدی دییر
****
هودیامهدی دییر داود یامهدی دیــیر
لوح محفوظه باخار محمودیامهدی دییر
****
طاق یامهدی دییر آفاق یامهدی دییر
حضرت یعقوبیلن اسحاق یامهدی دییر
****


هنگ یامهدی دییر- آهنگ یامهدی دییر
ناقه لر بوینوندا تترر زنگ یامهـدی دییر
****
یاریامهدی دییر مسمار یا مهدی دیــیر
فاطمه بین درودیوار یامهدی دییــر
****
کلامی
*******************************************
غـزل
*******
آچیلدی پرده اسرار تااسرارگــــورسنسین
کناراولدی حجاب دل اوگون تا یار گورسنسین
همان یرده همان گونده کلیم عشقینه جانان
ازلدن ورمیشیدی وعده دیدار گورسنسین
بلادشتی اولوب سینا تجلی ایلیوبدور حق
حقیقت آشکاراولدی آچیب رخسارگورسنسین
اولوبلار محو صورتگر گورنده صورت یاری
اولوب جانانه جانانه فدا ایثارگورسنسین
الینده نقد جان گلمیش ویره جان ساقی جانه
بو آل ورده اولوب غوغا آچون بازارگورسنسین
گرک عاشق گچه باشدان جنون عشق حالینده
بو لازمدور بیر اولماقدا سر سردار گورسنسین
حریم وصلیده ایلر تمنا عاشق صادق
طریق عشقبازیده اول دلدار گورسنسین
محبت جذبه سی اولسا اولار بیرعاشق و معشوق
بو منطق دور محبتده بوجور معیار گورسنسین
حضوریاریده گلمز گوزه بیر آیری منظرلر
وجود یار اولان یرده گرک دور یار گور سنسین
قورولموشدی ازل گوندن نگارستان معناده
بنا اولموشدی طراحی گوزل معمار گورسنسین
علامتدور قیامتدن اوگون تاریخ عالمده
گورونمزبیرده مانندی بیله آثار گورسنسین
خراباتی تقدسدن سالانماز مطلقا هیچکس
مقدس یرده مشکلدور داها اغیار گورسنسین
شهادت جامینی مستان چکیبلر باشه مستانه
بودور تعریف کیفلنماق ایچن هشیار گورسنسین
یازیبلار قانیلن باشسیز شهادت نامه نی باهم
که طومار شهادت حشره تک خونبار گورسنسین
حدود اولموشدی قان عشقه منای عشقیده والله
او قانلاردان صورا قانلار بوتون مردار گورسنسین
او قربانگاهیده باشسیز دوشوبلر جمله بیرباشدان
که بیرباشدان باشا هنجاروناهنجار گورسنسین
هامی عشاقه عشق اولسون حقیقی عشقه عشق اولسون
گوروم خار ایستین عشقی همیشه خار گورسنسین
11/3/90

ولادت
ثمره ازدواج مبارك علي عليه السلام و فاطمه زهرا عليها السلام پنج فرزند به نام هاي حسن، حسين، زينب، ام كلثوم و محسن است.
بنابر آن‌چه كه از امام صادق عليه السلام رسيده است «محسن» كه آخرين فرزند زهرا بود، بر اثر تجاوز و هجوم دشمنان اسلام به خانه آن حضرت، در شكم مادر جان داد و به دنبال . . .